رواية خارج عن المألوف الجزء الثاني الفصل السابع 7 بقلم نشوة عادل
-انتى...انتى هتتجوزى ابن ملك الجن
ميرال پصدمة: ايه الكلام اللى بتقوله ده ي بابا ازاى يعنى ده حرام اصلا
محمود بقلة حيلة: جدك عشان يجبر الجن انه مياخدنيش قربان عهد ان اول حفيدة هتيجى ليه هتكون زوجة الامير او ولى العهد (شيفا)
ميرال: وطبعا انا كنت اول حفيدة تيجى بعد الموضوع ده ما حصل فبقيت المعهودة حفيدة العاهد وحكاية قرايتى للكتاب مكنتش صدفة
محمود: بالظبط
ميرال: وانا بقى مش موافقة ع التخاريف والهبل ده
محمود: ده لا تخاريف ولا هبل ولا كابوس ده واقع انتى عايشاه وشيفاه بعيونك
ميرال: ي بابا اكيد فيه حل للى انا فيه ده مشتحيل تكون دى حياتى ابدا وانا لو ھموت مش هقبل اعمل حاجة تغضب ربنا
محمود: اهدى ي بنتى عشان خاطرى وانا هحاول اقابل الشيخ ياسين اللى كان ساعدنى
ميرال: هو لسه عايش؟
محمود: ايوة عايش واكيد عنده حل
فى مكان اخر ممتلئ پالنار والسواد الحالك وقفت ماهيتاب امام كبير الجان منتكسة الرأس
منذر: انا نبهتك قبل كده ي ماهى وقولتلك متتصرفيش من دماغك وتعملى المطلوب منك وبس حصل !
ماهيتاب: حصل وانا معملتش اكتر من المطلوب منى
منذر: انتى عملتى مصېبة كبيرة انتى عطيتهم مفتاح الخلاص لو استغلوه واتعرف كده مش هيبقى لينا عليهم اى سلطة
ماهيتاب بعدم فهم: مش فاهمة
منذر: ذياد ده مفتاح السر ي غبية
ماهيتاب: بس دى كانت اوامر انا بنفذها
منذر: اوامر من مين؟! انا معطتكيش امر بكده
ماهيتاب: من شيفا
منذر پغضب وقد ازدات شعلة الڼار من حوله: شيفااااااا
ظهر شيفا وقال: انا هنا ي ملك
منذر پغضب: انت ازاى تعطى اوامر زى دى لماهى بدون اذن منى؟!
شيفا برفعة حاجب: لانى بحب التحديات وانا مش من اللى بيقبلوا ياخدوا الحاجة ببساطة انا لازم احقق نصر وافوز بالجايزة
منذر: مفيش فايدة ف تهورك وغباءك هتضيع كل اللى احنا بنحاول نبنيه بقالنا سنين
شيفا: بالعكس انا ببنى لينا وبهد ليهم كتير
منذر: ذياد مش سلاح سهل زى ما انت فاكر
شيفا: وانا بحب المغامرة
منذر: يبقى تستحمل نتيجة تهورك ومتنتظرش منى مساعدة
اختفى منذر پغضب تارك وراه شعلات صغيرة ....شيفا: برافو عليكى ي ماهى انا مبسوط منك اوى
ماهيتاب: شكرا ي مولاى
شيفا: طول ما انتى بتسمعى الكلام وبتنفذى الاوامر بدون اخطاء فأنتى بأمان لكن انا مش زى الملك الغلطة عندى بالجيم كله مفهوم
ماهيتاب پخوف: مفهوم
شيفا: الخطوة الجاية انك تقربى بين ذياد وميرال بمعنى زى ما ذياد وقع ف حب ميرال هى كمان لازم تحبه
ماهيتاب بابتسامة: بسيطة
تانى يوم صحى محمود وراح ع بيت الشيخ ياسين ودخل ليه ...محمود: ازيك ي شيخ ياسين فاكرنى
