رواية كاملة بقلم شهندا
اتحرك بالعربيه كل واحد في وادي غير التاني حاولت مفكرش بقدر الإمكان لكن حتى وانا مبفكرش قلبي واجعني
وصلنا أخيرا المستشفى نزل واتحرك تجاهها وانا بعده وصل عند الباب العام ووقف قبل ما اتكلم لقيته مسك ايدي وقربني منه اوي وبدأ يمشي تاني عادي
حاولت ابعد عنه لكن كان بيقربني منه اكتر
_ممكن افهم ايه ده ابعد لو سمحت مينفعش
مردش عليا وكمل مشيه كأني مش بتكلم
وصلنا عند باب اوضتها وانا بحاول ابعد عنه وهو مكلبش فيا!
قبل ما ندخل مسك ايدي الاتنين ثبتني
_بطلي فرك احنا متجوزين امبارح مينفعش يشوفونا النهارده وكل واحد بينه وبين التاني متر
ساب ايدي الاتنين وحضن وسطي ودخل قبل ما الحق ارد عليه
دخلنا كانت والدته نايمه على السرير لوحدها في الاوضه
اول ما شافتنا حاولت تعدل نفسها وهو سابني وراح ساعدها لحد ما قعدت وسند ضهرها بالمخده
_اي ده فين آدم وتيسير ازاي يسيبوك لوحدك كده!
_آدم في شغله وتيسير نزلت تجيب اكل من تحت عشان نتغدى متقلقش يا حبيبي انا كويسه
حضنها من غير ولا كلمة وډفن راسه في حضنها
وهي طبطبت عليه بحنان ورفعت راسها ناحيتي باستغراب
_وتين
بعد عنها وبصلها وراح باصصلي قبل ما تشد ودانه ناحيتها وهي بتتكلم بحزم
_بقى جايبها المستشفى اللي كلها مرضى لا وسايبها واقفه ورا زي الطفلة وانا مش واخده بالي
_اااه يماما ودني يا امي مينفعش كده
شدت ودانه اكتر وانا ڠصب عني ضحكت
_بلا ينفع بلا مينفعش بعد كده مراتك تدخل وتقعد وتتأكد إنها قاعده ومرتاحه قبل اي حاجه مش سايبها واقفه عند الباب لوحدها كده!
دي آخرة ستر ربنا يا أحمد
بصلها بسرعه وملامحه اتقلبت تماما
حسيته زعل او افتكر حاجه مضايقاه
فوقت على صوت والدته بتنده عليا وهي فاتحه ايديها
_تعالي يا غاليه
من غير تفكير رميت نفسي في حضنها وانا نفسي اعيط واشتكيلها من ابنها ومن بابا ومن كل حاجه
ڠصب عني عيني دمعت لما لقيتها بتطبطب عليا فكرتني بحضن ماما الله يرحمها
همست في ودني براحه عشان احمد ميسمعش
_ساعات كتير حاجات بتحصل بنكون فاكرينها صعبة وهي جواها كل الخير
قبل ما اسألها تقصد اي دخلت تيسير اخته وهي في ايديها شنط اكل وعصير فبعدت عن ماما ومسحت دموعي بسرعه
_اي ده احمد ووتين كمان اي اللي جابكوا يعم ده المستشفي ضلمت اقصد نورت
سكتت مره واحده لما خدت بالها من دموعي
_اي ده انت بټعيطي في اي يا عمري
مسحت دموعي بسرعه وتجنبت ابصله خالص مع انه مركز معايا اكيد هيبرقلي عشان عيطت بس والله ڠصب عني
_مفيش حاجه افتكرت ماما بس
_ربنا يرحمها ويغفر لها هي في مكان اجمل دلوقتي
هزيت راسي وابتسمتلها
_المهم انت عامله زي
ردت عليا وهي بتضحك لأننا لسه متقابلين إمبارح ساعة كتب الكتاب
_انا بخير الحمد لله وانت اخبارك اي
حضنتها وانا مبتسمه اوي
_زي العسل يا عسل انت يعسل
ضحكت وهي بتبعد عني
_انتي تاني
_وتالت ورابع بقي حد يشوف العسل ده قدامه ويسكت
ضحكت اوي وهي بتضربني في كتفي
_ماشي يا دلوعه هصدقك
ضحكنا كلنا تزامنا مع دخول آدم زوجها اللي ابتسم اول ما شافنا قرب من أحمد وهو مبتسم اوي
_ابو حميد حبيبي
_يا راجل منك لله
_الحق عليا بدلعك
_يسيدي انا مش عايز دلع
ضحك ولف ناحيتي
_تينا تينا
_آدم آدم
كلهم ضحكوا إلا المكشر فضل واقف مكانه وهو ساكت
مستنيه اي من واحد اسمه احمد انا!
خلصنا سلام واتجمعنا حوالين ماما وقعدنا نرغي معاها عشان نفسيتها قبل العمليه
آدم وتيسيير استأذنوا يروحوا يجيبوا حاجات من البيت بسرعه وييجوا فضلت معاها انا واحمد
بصتلنا وهي مبتسمه
مسكت ايدي وحطتها بين ايد احمد اللي بصلي لثواني قبل ما يرجع
