رواية كاملة بقلم شهندا
مالي لكن يبدو إني فشلت
حاوط وشي بهدوء وهو بيبتسم بإرهاق
_بحزن لحزنك وأنا حتى مش عارف السبب!
بصلي وعينه دمعت هو كمان مش فاهمه إيه اللي بيحصل وليه بس افتكرت اقتباس قريته من فتره إن كلا منا بيشيل همه للتاني في تواصل بصري صامت لسنا نفهم الأسباب لكننا نيقن المشاعر
حضڼي وحسيت بدموعه نازله بهدوء فدموعي نزلت ڠصب عني بس بقوه أكبر وحزن أكاد أجزم إنه أشد
بكيت وسببي الأكبر هو!
بعيط في حضڼ اللي بعيط بسببه أصلا!!
بس مرتاحه
حاسه إني عايزه أفضل حضناه على طول
آه لو كانت حياتنا طبيعيه آه
قضينا وقت طويل بنفس الوضع بإختلاف إن دموعه وقفت لكن دموعي بتزيد وصوتي بيعلى أكتر وأكتر
مبطلتش عياط إلا لما تعبت ورغم ذلك فضلت حضناه ودافنه وشي في حضنه مش عايزه أطلع ولا عايزه أشوفه
بعدت عنه بعد فتره وحسيت بوشي وارم بسبب العياط فلفيت ناحيه الباب عشان ميشوفنيش وكنت هخرج قبل ما يسحبني ليه تاني ويبص في عيني
مسح دموعي براحة وباس راسي
_تعالي نبات هنا النهارده وخلي آدم وتيسير يباتوا مع ماما
_بس إنت كنت عايز تنام معاها النهارده عشان تطمن عليها
نقلتها لكم بيدج الكاتبه نرمين عادل همام
ابتسم وهو بيطبطب عليا بحنيه
_أنا اتطمنت عليها محتاج اتطمن عليكي إنت
بصتله من غير ما ارد فطبطب على كتفي وهو بيبتسم ابتسامته اللي كل مره بتأكدلي إني بخسر
كل ما بيضحك بحس بحاجة مش عارفه أفسرها لكن بتأكدلي إني بخسر كل مره بخسر قلبي ونفسي في معركة مش عارفه نهايتها إيه أو عارفه وبهرب من الحقيقة
طلع يقولهم هناك وانا قاعده على السرير بتعب
عايزه أنام وبس عايزه أريح دماغي من التفكير تعبت
حقيقي تعبت
شويه ولقيته جاي قفل الباب كويس من جوا وطفي النور كله وقعد جمبي على السرير رغم إن في سرير تاني
حاوطني بهدوء وخلاني أنام جمبه وهو مسندني من ضهري
كان نفسي أعيط تاني لكن معنديش طاقه
غمضت عيني ومحستش بحاجه غير تاني يوم الصبح
فتحت عيني براحه على ما استوعبت أنا فين وإيه اللي بيحصل لقيته نايم ولسه حاضني بس المره دي وشي في وشه
افتكرت إننا قمنا صلينا الفجر هو في المسجد مع آدم وأنا زي ما أنا
بصينا على ماما ورجعنا تاني ننام بس المره دي وإحنا باصين لبعض لحد ما روحنا في النوم
تأملت ملامحه الهاديه بتفاصيل أكتر وأكتر
مديت إيدي أمشيها على وشه بهدوء
شعره عيونه ملامحه كلها اللي ټخطف القلب
عيوني دمعت وأنا حاسه بنفسي بتسحب في اتجاه غلط لكن مش قادره أمشي عكسه!
قمت من جمبه ودخلت الحمام غسلت وشي كويس وبصيت لنفسي في المرايه
مش دي أنا مش دي
أنا مش ضعيفه كده ومش عايزه أبقى!
أنا مش مستحمله ۏجع قلب هعمل إيه أنا لما ننفصل
دموعي نزلت ڠصب عني بقوه أكبر ومش جاي في دماغي غير إني وقعت في مشاعر أنا مش قادره أتحكم فيها
مش عارفه حبيته ولا لأ لكن اللي عارفاه إني لو استمريت في كده هتأذي وأنا مش مستحمله الأڈى
طلعت كان صاحي وقاعد على السرير بيبص للأرض وسرحان
تجنبته تماما وظبطت هدومي عشان نروح لماما
_يلا عشان نروح لماما
بصلي بنظره مفهمتهاش ومحاولتش أفهمها
كل تفكيري منصب إزاي أنساه قبل حتى ما ننفصل
روحنا لمامته واتطمنا عليها ونزل هو مع آدم يجيبوا فطار
فطرنا وماما أكلت حاجه بسيطه من أكل المستشفى ورجعت تريح تاني
عدى أسبوعين كانت اتحسنت أكتر وبقت
