متجوزة من سنتين

الشاطرة بتخلف وبتخدم بيتها.
وشاورِت على الورق.
التحاليل دي بتقول إن المشكلة مش عندي.
وشي حماتي اصفر.
أما شيرين فاتفتحت عينيها من الصدمة.
كملت أنا ساكتة من سنتين عشان أحافظ على كرامة جوزي. لكن حضرتك كل مرة تكسري فيا وتجرحيني وأنا ساكتة.
طارق نزل راسه للأرض.
وقالت حماتي بتلعثم يعني... يعني إيه؟
قلت يعني الدكتور قال إن فرص الإنجاب عندي ممتازة والحمد لله.
وسكت ثواني.
والمشكلة كانت عند طارق.
الهدوء اللي حصل بعدها كان مرعب.
شيرين بصت لأخوها وكأنها أول مرة تشوفه.
أما حماتي فجلست على الكنبة فجأة.
وكان واضح إنها اټصدمت.
لكن الصدمة الأكبر كانت لما طارق رفع رأسه وقال
أيوه يا أمي... الكلام ده صحيح.
بصتله أمه كأن الأرض اتهدت تحتها.
وأنت مخبي عليا؟
رد بصوت مكسور لأن مراتي طلبت تحافظ على صورتي قدام الناس.
ثم بص ناحيتي بعين مليانة ندم.
وأنا للأسف سبتك لوحدك تتشتمي وتتجرحي.
حماتي بدأت تبكي.
لكن الغريب إنها مكانتش بټعيط عشان ندمت.
كانت بټعيط عشان اكتشفت إنها ظلمت البنت الوحيدة اللي كانت ساترة ابنها.
بعد ساعة كاملة من النقاش والصوت الواطي، قامت حماتي تمشي.
وقبل ما تخرج من الباب وقفت.
كلنا افتكرنا إنها هتعتذر.
لكنها قالت جملة خلتني أعرف إن الحكاية لسه ما خلصتش
حتى لو ابني عنده مشكلة... ده ما يمنعش إن الكنة تخدم حماتها.
وسابت البيت ومشيت.
بصيت لطارق وقلت شوفت؟
قال وهو بيقفل الباب لا... أنا أول مرة أشوف الحقيقة كلها.
وبعدها بثلاث أيام حصلت المفاجأة اللي قلبت العيلة كلها رأسًا على عقب...
لأن طارق أخد قرار محدش كان يتوقعه.
قرار خلى أمه نفسها تيجي وتقف على باب شقتنا تبكي وتترجاني أسامحها...
لكن اللي عمله طارق قبلها بساعات كان أقوى من أي اعتذار.
يتبع...بعد ثلاثة أيام، رجعت من الشغل لقيت طارق قاعد في الصالة مستنيني.
ملامحه كانت جامدة بطريقة خوفتني.
أول ما دخلت قال اقعدي يا نادين... لازم نتكلم.
قلبي وقع.
افتكرت إنه زعلان من اللي حصل أو إنه هيطلب مني أعتذر لأمه عشان الدنيا تهدى.
لكن اللي سمعته بعد كده صدمني.
مد إيده بورقة مطوية وحطها قدامي.
فتحتها.
كانت عقد إيجار شقة جديدة.
بصيتله باستغراب شقة جديدة؟
قال بهدوء أيوة... في منطقة أبعد عن بيت أمي.
ليه؟
تنهد وقال لأن اللي حصل الجمعة كان آخر مرة حد يدخل بيتنا بالإجبار أو يهينك فيه.
اتسعت عيني من الصدمة.
أول مرة أحس إنه واقف في ضهري بالشكل ده.
لكن المفاجأة الأكبر كانت لسه جاية.
طلع موبايله وفتح تسجيل صوتي.
صوت حماتي كان واضح.
سيبها يا ابني... لما تتبهدل شوية هتعرف قيمتنا.
ومهما عملت متخلفش، الست اللي من غير عيل ملهاش كلمة.
حسيت جسمي كله اتجمد.
بصيت لطارق.
قال بصوت مبحوح التسجيل ده اتبعتلي بالغلط من شيرين.
طلع إن شيرين كانت بتبعت رسالة لأختها التانية، واتلخبطت وبعتها لطارق.
والرسالة كانت تسجيل طويل لحماتي وهي قاعدة مع قرايبها تتكلم عني.
وتقول كلام أقسى بكتير من اللي كنت سمعاه في وشي.
سمعتها بتقول نفسي يجوزوه واحدة غيرها قبل ما العمر يجري منه.
والأسوأ...
إنها كانت تعرف من شهور إن المشكلة الطبية عند ابنها، ومع ذلك كانت سايباني أتحمل التلميحات والكلام.
هنا طارق انهار.
أول مرة أشوف دموعه.
قال أنا كنت فاكر أمي بتحبك حتى لو كانت صعبة شوية... لكن اللي سمعته خلاني معرفهاش.
في نفس الليلة، راح بيت أهله.
ومحدش عرف إيه اللي حصل هناك.
لكن الساعة اتنين بعد منتصف الليل، سمعنا جرس الباب.
فتحت.
لقيت شيرين واقفة.
وشها أصفر ومړعوپة.
أول ما دخلت قالت
الحقوا ماما...
وقف قلبي.
مالها؟
قالت وهي پتبكي بابا عرف كل حاجة.
اټصدمنا.
أبو طارق كان راجل هادي ومش بيتدخل.
لكن لما عرف إنها كانت بتذلني طول السنتين وبتخبي الحقيقة عنه، قامت خناقة كبيرة بينهم.
وفي وسط الخناقة اعترفت اعتراف محدش